सहभागीलाई आत्मसाक्षात्कार गराउने ‘लय विज्ञान’ कार्यक्रम २०८१ मंसिर १ गतेदेखि जीवन विज्ञान चाबहिलमा सुरु भएको छ । कार्यक्रममा श्रद्धेय रमेश गुरुदेव र श्रद्धेय भानु गुरुदेवले योग, ज्ञान र ध्यानका माध्यमबाट सहभागीलाई आफुसँग एकाकार गराई जीवन, जगत र ईश्वरीय तत्वबिचको अन्तरसम्बन्ध स्पष्ट पार्नु हुनेछ । गुरुदेवद्वयले अध्यात्म र मनोविज्ञानका वैज्ञानिक र प्रयोगात्मक सूत्रहरूको प्रयोग गरी सहभागीलाई स्वबोध गर्न र आफुसँग एकाकार हुने अभ्यासहरू गराउनु हुनेछ । एकसाता लामो कार्यक्रममा कर्मचारी, शिक्षक, व्यावसायी, स्वास्थ्यकर्मी, विद्यार्थीलगायत विभिन्न क्षेत्रमा कार्यरत देशका विभिन्न ठाउँबाट सहभागीहरू कार्यक्रममा सामेल छन् ।