सहभागीलाई आत्मसाक्षात्कार गराउदै २०८१ मङ्सिर ७ गते लय विज्ञान समापन भएको छ । कार्यक्रममा सहभागीले लय विज्ञानमा सहभागी भएर तनाव, दुःख र रोगले भरिएको जीवनबाट मुक्त भएको महसुस भएको र आध्यात्मिक ज्ञानको भोक मेटिएको बताए । सात दिनको साधनामुखी कार्यक्रममा श्रद्धेय रमेश गुरुदेव र श्रद्धेय भानु गुरुदेवले योग, ज्ञान र ध्यानका माध्यमबाट सहभागीलाई आफुसँग एकाकार गराइ जीवन, जगत र ईश्वरीय तत्वबिचको अन्तरसम्बन्ध स्पष्ट पार्नु भएको थियो । अध्यात्म र मनोविज्ञानका वैज्ञानिक र प्रयोगात्मक सूत्रहरूको प्रयोग गरी सहभागीलाई आफुसँग एकाकार हुने अभ्यासहरू गराउनु भएको थियो । कार्यक्रममा जनप्रतिनिधि, कर्मचारी, शिक्षक, व्यावसायी, स्वास्थ्यकर्मी, विद्यार्थीलगायत विभिन्न क्षेत्रमा कार्यरत देशका विभिन्न ठाउँबाट सहभागी थिए ।