मानव शरीरमा चक्ररुपी सूक्ष्म ऊर्जा केन्द्र योग र ध्यानका विभिन्न विधिमार्फत सक्रिय र सन्तुलित बनाउने ‘चक्र विज्ञान’ कार्यक्रम २०८१ मङ्सिर १३ गतेदेखि इटहरीमा सुरु भएको छ । चक्र विज्ञानमा श्रद्धेय रमेश गुरुदेव र श्रद्धेय भानु गुरुदेवले योग र ध्यानका वैज्ञानिक र प्रयोगात्मक अभ्यास तथा विधिहरूको प्रयोग र अभ्यास गराउनु हुन्छ । गुरुदेवद्वयले मानिसमा उत्साह, उमङ्ग, खुसी, जोस, जाँगर, आँट र साहस भर्ने अभ्यास गराउँदै सुखी, शान्त र समृद्ध जीवन जिउने कला सिकाउनु हुन्छ । इटहरी स्थित लायन्स क्लवको सभाहलमा सुरु भएको सात दिनसम्म चल्ने चक्र विज्ञानमा कोशी र मधेश प्रदेशका जनप्रतिनिधि, उद्योगी, व्यवसायी, कर्मचारी, शिक्षक, विद्यार्थीसहित विभिन्न पेशामा आवद्ध पाँचसय बढी सहभागी छन् ।