त्रियुगा नगरपालिकाको आयोजनामा २०८१ मङ्सिर १९ गते ‘पूर्ण स्वास्थ्यका लागि स्वजागरण’ गाईघाटमा सम्पन्न भएको छ । कार्यक्रममा श्रद्धेय भानु गुरुदेवले पूर्ण स्वास्थ्यका लागि आफूभित्र लुकेर रहेका क्षमताको उजागर गर्नुपर्ने बताउनुभयो । आफ्ना क्षमता र सम्भावना चिन्नका लागि स्वजागरणको आवश्यकता पर्ने उल्लेख गर्दै गुरुदेवले प्रत्येक व्यक्तिभित्रको सुख, शान्ति र समृद्धि जागृत गर्नका लागि स्वजागरणको अभियान थलिएको बताउनुभयो । उहाँले कार्यक्रमका स्वजागरण ध्यानविधिको प्रयोग र अभ्याससमेत गराउनु भयो । साथै आउँदो फागुन ११ गतेदेखि पोखरामा ६ हजार जनाको सहभागिता गर्न लागिएको ‘विराट् चक्र विज्ञान’मा सहभागी भई लाभ लिन सबैलाई आग्रहसमेत गर्नुभयो । त्रियुगा नपा वडा नं. ३ र जीवन विज्ञान परिषद् उदयपुरको सहकार्यमा मोतिगडामा भएको कार्यक्रममा जनप्रतिनिधि, कर्मचारी, व्यवसायी साथै विभिन्न पेशाबाट उत्साहजनक सहभागिता थियो