व्यक्तिभित्र लुकेर रहेका उत्साह, उमङ्ग, खुसी, जोस, जाँगर, आँट, शान्ति र सूक्ष्म ऊर्जा सक्रिय बनाउँदै इटहरीमा सञ्चालित चक्र विज्ञान २०८१ मङ्सिर १९ गते समापन भएको छ । कार्यक्रममा सहभागीले आफूभित्रको सूक्ष्म ऊर्जा र सम्भावना चिन्ने मौका पाएको बताएका छन् । कार्यक्रममा आफूतर्फ फर्कन र आफ्ना सम्भावनामा कार्य गर्न सहज बनाएको उनीहरूको भनाइ छ । कार्यक्रममा सहभागी इटहरी उपमहानगरपालिकाका पूर्व प्रमुख द्वारिकलाल चौधरीले चक्र विज्ञानले मानिसको चौतर्फी विकासका लागि मद्दत पुग्ने महसुस भएको बताउँदै यस कार्यक्रमलाई प्रत्येक व्यक्तिसम्म पु¥याउँन भूमिका खेल्ने बताउनुभयो । कार्यक्रममा श्रद्धेय रमेश गुरुदेव र श्रद्धेय भानु गुरुदेवले योग, ध्यान र मानोविज्ञानका वैज्ञानिक विधिहरूको प्रयोग र अभ्यास गराउनुभएको थियो । इटहरी–५ पचरुखी स्थित लायन्स क्लवको सभाहलमा सात दिनसम्म सञ्चालन भएका चक्र विज्ञानमा कोशी र मधेश प्रदेशका जनप्रतिनिधि, उद्योगी, व्यवसायी, कर्मचारी, शिक्षक, विद्यार्थीसहित विभिन्न पेशामा आवद्ध पाँचसय बढी सहभागी थिए ।