श्रद्धेय भानु गुरुदेवको दिव्य सन्देश – ‘प्रत्येक व्यक्तिले आफूभित्र लुकेको हिरा चिन्नु पर्छ ।’ जनता क्याम्पस इटहरी र हिसान सुनसरीको आयोजनामा भएको ‘स्वजागरण’ कार्यक्रममा श्रद्धेय गुरुदेवले प्रत्येक व्यक्तिले आफूमा रहेका आठओटा आयाममा काम गर्नुपर्ने स्पष्ट पार्नुभयो । व्यक्तिको भविष्य निर्माणमा केन्द्रित स्ववचनमा गुरुदेवले आफूभित्र रहेका आठ आयामको लागि सातओटा ऊर्जा केन्द्रको सन्तुलन गर्नुपर्ने बताउँदै त्यसका लागि जीवन विज्ञानले फागुन ११ गतेदेखि पोखरामा ६ हजार जनाको सहभागितामा ‘विराट् चक्र विज्ञान’ आयोजना गर्न लागेको जानकारी दिनुभयो । जनता क्याम्पसको प्राङ्गणमा भएको कार्यक्रममा सुनसरी र मोरङ्का विभिन्न पालिकाबाट विभिन्न पेशा, व्यवसायमा संलग्न व्यक्तिहरूको उत्साहजनक सहभागिता थियो ।