आफूभित्र अन्तरनिहित क्षमतामा कार्य गर्न सिकाउने ‘ऐश्वर्य विज्ञान’ कार्यक्रम २०८१ पुस ७ गते बुटवलमा सम्पन्न भएको छ । कार्यक्रममा सहभागीले समय र कामको महत्व बुझेको बताए । उनीहरूले जीवनको लक्ष्यमा काम गर्ने स्पष्ट खाका पाएको बताउँदै सिकेका कुराहरू जीवनमा लागू गर्ने बताए । सात दिनसम्म चलेको कार्यक्रममा श्रद्धेय रमेश गुरुदेव र श्रद्धेय भानु गुरुदेवले सहभागीलाई योग, ध्यान, अध्यात्म र मनोविज्ञानमा आधारित विभिन्न प्रयोग र अभ्यासहरू गराउनु भएको थियो । कार्यक्रममा विदेश र देशका विभिन्न ठाउँबाट जनप्रतिनिधि, कर्मचारी, व्यवसायी, उद्योगी, विद्यार्थी, विभिन्न पेशा र व्यवसायमा आवद्ध व्यक्तिहरूको उत्साहजनक सहभागिता थियो ।