गहन ध्यान साधनामुखी कार्यक्रम ‘सत् विज्ञान’ २०८१ पुस १० गतेदेखि जीवन विज्ञान प्रतिष्ठान चाबहिलमा सुरु भएको छ । एकसाता लामो कार्यक्रममा श्रद्धेय रमेश गुरुदेव र श्रद्धेय भानु गुरुदेवले ब्रह्माण्डभित्र लुकेको सनातन सत्यलाई चिनेर त्यसमा नित्य निरन्तर डुब्ने व्यवहारिक प्रयोगका विभिन्न विधिको अभ्यास गराउनु हुनेछ । गुरुदेवद्वयले सहभागीलाई आफ्ना कर्महरूबाट परम चैतन्यमा प्रवेश गर्ने र जीवनलाई आनन्दित बनाउँदै परिवार समाज र राष्ट्रका लागि सेवा गर्ने भाव जगाउन विभिन्न प्रयोग र अभ्यासहरू गराउनुहुनेछ । लय विज्ञान कार्यक्रम लिइसकेका साधकमात्र सहभागी हुन पाउने कार्यक्रममा विभिन्न क्षेत्रका साधकहरूको उत्साहजनक सहभागिता छ ।